Rosalega erum við slöpp í þessu, hér hefur ekkert gerst síðan ég bloggaði í flensunni minni í vor. Það hefur fullt gerst síðan, Halli vinnur nú í Úthafsskipum og ég á bara þrjár vikur eftir af sumarvinnunni minni, búin að vera að verslunarstýrast uppí búð. Svo byrjar skólinn, er komin með nýjan kennara, Ólöfu Kolbrúnu. Hlakka mikið til að byrja í skólanum á ný. Byrja þá að vinna í burtfararprófinu mínu og vonandi í kennaranáminu, en það fer allt eftir því hvað hún Ólöf vill að ég geri.

Mér finnst að við eigum að hafa uppi á manninum sem er á svarta fólksbílnum og tilnefna hann til Íslensku Fálkaorðunnar. En eftirfarandi video var tekið upp í Norðlingaholti í gær.



Það er greinilegt að það má ekki mótmæla mótælum.

Vörubílstjórinn sem var svona illa tekinn á eigin bragði sagðist ekki hafa tíma fyrir svona rugl.  Nei einmitt.......

Ég efast um að þessi mótmælendur, sem eru flest allt einhverjir menntaskólakrakkar, séu að mótmæla háu bensínverði og eru að grýta lögguna með eggjum upp á Rauðavatni. Þau eru bara að losna við einhverja útrás sem þau ná ekki að losa um í svefnherberginu.

Kv. Halli

Nú er vika síðan ég hætti sem formaður. Frekar skrýtin tilfinning, þetta er í fyrsta sinn í tvö ár sem ég er ekki í stjórn og fyrsta sinn síðan annarri viku frá því að ég byrjaði í verkfræði sem ég er ekki að vinna fyrir nemendafélagið. Það versta er að nú þarf ég að finna nýja afsökun fyrir að vera ekki að læra....?

En læra já, núna sit ég í í tíma í lögbergi, ég er að taka eitt aukafag í Stjórnmálafræði með verkfræðinni. Í dag er síðasti kennsludagurinn í stjórnmálafræðinni og krakkarnir fara svo í upplestrarfrí, en það er ennþá verið að rí** okkur í ras*****ð í verkfræðinni með verkefnum og heimadæmum, auk þess þar sem við byrjuðu 2 vikum á undan hinum í skólanum í janúar.

Prófin eru sem sagt á næsta leiti og því þarf maður að fara að koma sér í lærigírinn.

Kv. HHH

Já á morgun er aðalfundur. Það þýðir að tíð minni sem formanni fer senn að ljúka. Það er allt að fara að vera tilbúið fyrir fundinn. Ég fór í dag og náði í restinni af bjórnum sem var í samnignunum. Magnið sem við fengum var bæði háð fastri tölu auk prósentu af því sem nemendafélögin 3 hafa keypt í vetur.... og viti menn, við fengum hátt í 1 tonn af bjór.

Mikil spenna er fyrir kosningunum á morgun í nýja stjórn og eru nokkrir búnir að gefa það út að þeir ætli í framboð. Í fyrsta sinn er VR-II undirlagt plaggötum og auglýsingum fyrir kosningarnar. Væri mikil synd ef þetta skildi vinda uppá sig og enda eins og ruglið í Verzló eða HR.

Jæja þá er best að ljúka við skýrslu stjórnar fyrir aðalfundinn á morgun. Hvað hef ég eiginlega verið að gera í vetur.....?

Halli
Verðandi fyrrverandi formaður.

og að horfa á sólarupprásina á leiðinni heim úr skólanum. Já, nú er tími verkefnaskila í Háskólanum.

Hún Steinvör á afmæli í dag. Stelpan bara orðin 23 ára. Sem þýðir að það styttist óðum í það að unglambið ég sem er bara 22 ára þurfi að fara með gamalmennið á elliheimili.

Því miður þar sem ég þarf að gera verkefni þá er ég núna staddur í VR-II (hvar annars staðar) að gera verkefni og sendi henni því afmæliskveðjur heim. Reyndar erum við svo að fara út að borða í hádeginu í tilefni dagsins.

Aldrei þessu vant þá þurfti ég að taka bensín í gær á bílinn. Fannst það kosta frekar lítið bara 140 kr/l, en þá fór ég að pæla í einu. Mikið rosalega langar mig til þess að hafa verið á þeim stefnumótunarfundi olíufélaganna, þegar að einhver hvítflibbinn kom með þá snilldarhugmynd "Hey, ég veit, tökum pinnann úr dælubyssunni!"

Kv. Halli

....að vera labbandi á hlaupabretti í Laugum, uppstrílaður eins og einhver trúður með svitabönd allann hringinn og læti. Talandi í GSM síma með handrfjálsum búnaði og segja annað slagið, frekar hátt svo að allir heyri, orð eins og vísitala, gengi og tugir milljóna.

"..... hvort er þetta herpes eða syfillis?" Stelpa fær ógeðssvip, stendur upp og gengur í burt.

Klárlega setning helgarinnar.

Merkilegt að sjá nýja færslu hérna. Í öllu umstanginu hefur þessi síða gleymst svolítið hjá manni. Heill hellingur búinn að gerast síðan ég skrifaði síðast, ferming, hrun, bílafjárfestingar, borgarstjóraskipti, brúðkaupsskipulagning, ferðalög, borgarstjóraskipti o.fl. skemmtilegt.

Það eru aðeins rúmlega 3 vikur í að ég hætti sem formaður, svo að ég get aftur farið að einbeita mér að skólanum og þeim hluta fjölskyldunnar sem ennþá man eftir mér. Enda er ég að vinna í því að breyta mér, nei ég er ekki að verða svartur, en það er kominn einhver dugnaðar-andi yfir heimilið sem heitir Steinvör sem fær mig til að vakna á morgnanna fyrir kl 7 og mæta í ræktina. Þess á milli er ég farinn að borða ávexti í stað nammi og drekkar duft blandað í undanrennu sem á að gera allt fyrir mann.

Páskarnir koma líklegast til með að besta framleiðsluna hjá Össuri og einhverri bjórverksmiðju, hanna vinnsludekk í frystiskipi og að lokum skrifa um samfélagslega ábyrgð Toyota.

Ef allt gengur upp þá klára ég Bsc. í iðnaðarverkfræði í vor og þá yrði tvöfölld útskrift úr háskóla 14. júní, en Malla er líka að klára Bs. í Viðskiptafræði úr HR. En þá þarf ég líka að ná að klára.

Úr einu í annað. 365 hf taka allt það sem er ókeypis og rukka mann fyrir það, fyrst, enska boltann, svo Simpsons og að lokum núna Formúluna. Ef þetta kallast ekki hryðjuverkastarfsemi, hvað þá.

Kv. HHH

Janúar alveg að líða. Lífið á Klappó gengur sinn vanagang. Halli gerir lítið annað en að læra, taka myndir og stjórna nemendafélaginu og ég geri nákvæmlega ekkert nema syngja og fara í World Class (er á átaksnámskeiði, gengur mjög vel, alveg 400 gr farin á tveimur vikum!!!! ehemm..). Söng í barnamessu í Fríkirkjunni í Hafnarfirði (mínum verðandi heimabæ) í morgun. Gekk ljómandi vel og gaman að syngja fyrir áhorfendur þar sem meðalaldurinn er 10 ár. Óperan er alveg að smella saman hjá okkur núna, erum búin að renna henni í heild sinni án þess að stoppa svo þetta er allt að koma. Á fimmtudaginn fórum við Andri og Hrafnhildur í viðtal í Lög unga fólksins að kynna óperuna... vá vandræðalegt móment það!!!

Jæja, þá er komið að því, fyrsta bloggið á nýju ári... Við vorum á Kanarí yfir áramótin og komum heim fyrir nokkrum dögum. Ferðin var mjög fín þrátt fyrir að veikindi hafi sett strik í reikninginn. Fyrir þá sem vilja sjá myndir þá bendi ég á facebook. EN það eru ekki alltaf jólin og við erum byrjuð á fullu aftur í skólanum. Óperudeildin er að setja upp Brúðkaup Fígarós eftir Mozart og það er því allt á fullu hjá mér í því. En jæja... þetta verður örblogg í þetta sinn.

Það eru ekki nema fjórir dagar og sex tímar í jólin.. sjibbí. Halli er í þessum töluðu orðum að klára síðasta prófið sitt. En þetta er ekki búið því nú þarf hann að klára eitt stykki verkefni og sjá um jólaball annað kvöld á Nasa. En að allt allt örðu. Við Halli vorum að rúnta í miðbænum á mánudagskvöldið að leita okkur að veitingastað til að setjast inn á. Við keyrðum í kringum Ingólfstorg og þegar við beygjum til hægri hjá Hlöllabátum kemur ekki eitt stykki jeppi á móti okkur. Ég hélt að allir vissu að þarna væri einstefna, en nei greinilegt að þingmaðurinn með einkanúmerið ÍSLAND hafði ekki hugmynd um það eða voru þetta kannski tæknileg mistök?? Maður spyr sig!! En jæja... þarf að halda áfram í jólaundirbúningnum, margt eftir að gera hérna á heimilinu... reyni svo að blogga einu sinni fyrir jól Kv. Steinvör

Þriðja djúpa lægðin í röð á 4 dögum...... og ennþá er eitthvað til að fjúka í henni. Haldið fast um hattinn, hann gæti horfið.

Hún amma mín lennti í því um daginn að skera sig á fingri, svo illa að mér fannst rétt að fara með hana niður í slysó í fossvogi til að láta sauma hana saman aftur. Þar var íslendingahlutfallið innan við 50%. Í afgreiðslunni var ungt par frá einhverjum af hinum yndislegu Eystrasaltslöndum, gallinn var sá að í þessu langa sumarfríi sínu þá hafði strákurinn óvart villst inn á byggingarsvæði, í iðnaðarmannagalla og svo slasað sig svo á hálsi. Gefið mál því jú, að sjálfsögðu setja verktakar pening í öryggi, hvað þá slysatryggingu, starfsmanna sem ekki eru til á pappír.

Í hinni afgreiðslulúgunni var kona frá sama heimshorni, nema hún talaði reiðbrennandi íslensku, flott hjá henni svona nýbúa kann ég vel við. Hins vegar var það móðir hennar sem var tilgangur ferðalags þeirra á slysó. "Hvað er hún búin að vera lengi á landinu?" spurði konan í afgreiðslunni. "Í allaveganna 1. ár" sagði konan, þá sagði konan í móttökunni sem fannst þetta eitthvað skrítið og sagði, "En samkvæmt vegabréfsárituninni þá kom hún hingað í síðustu viku?"....... obbbosí!!!!

Annars á núna að fara að taka læknana af sjúkrabílunum...... og enginn segir neitt. Ætli maður verði ekki að fara að flytja inn Frakka til þess að koma og sprengja upp vegi og kveikja í bílum í mótmælaskyni.

Jæja prófin halda áfram og svo koma jólin. Eintóm gleði.

Kveðja úr VR-II
Halli